 |
|
- المئات من المتظاهرين في قضاء الصادق شمالي البصرة يطالبون بحقوق التعليم والصحة وفرص العمل
- مدير عام الموانئ حجم الإيرادات لعام ٢٠٢٤ بلغ أكثر من تريليون دينار
- تشكيل لجنة لضمان سكن عوائل الشهداء في المجمع الكرفاني بقضاء شط العرب
- وفاة المطرب الشعبي المصري احمد عدوية عن عمر ناهز 79 عامًا
- مدير الموانئ يبحث مع قادة امنيين اخر المستجدات وتطور العمليات في ميناء ام قصر
- وفاة الرئيس الامريكي جيمي كارتر عن 100 عام
- وزارة المالية تنفي عدم توفر رواتب موظفي الدولة لهذا الشهر
- بالوثيقة.. وزير التربية يوافق على تكييف (تقليص) المناهج الدراسية (المرحلة الثالثة) للتعليم المهني
- الميناء يخطف التعادل من الشرطة بالوقت القاتل
- بالوثيقة ...مجلس البصرة يحدد الثلاثاء المقبل موعدا لاستجواب رئيس هيئة الاستثمار
|
17
ديسمبر
2024
|
ذكريات شتويه.../ بقلم ابراهيم المحجوب
نشر منذ 2 اسابيع - عدد المشاهدات : 61
|
اشطيب لمة گبل والصوبه دفايه
وفروة ابونا جلد وتحقق الغايه
والدام حايط لبن ماهمها يوم الريح
وجوا الصرايف شگل وامدود تقوايه
ولوجانا وكت المزن لمع البرگ للگاع
وماهمنا يوم المطر رجلين حفايه
الله ياديرتي چنتي منابع خير
وديانها من المطر انهار جرايه
ويَ العجايز مشي واحنا بعدنا اصغار
ويشتد علينا الرعد وانلوذ بالصايه
چان الشتا بقسوتو برد وگحيط اشباط
چانت الطيبه گبل للناس حَمايه
ياجيل ذاك الوكت متقاسمين الضيم
تنام ليلك وبرا اصوات عوايه
مرات خوف ورعب ومرات مرتاحين
وليلك ظلام وعلى الفانوس ضوايه
وبالصيف دچة الوحل تسهر اتعد انجوم
وتنام نومة چفي والسطح علايه
والناس وكت العصر ويرشرشون الحوش
وعرسان ذاك الوكت ناموا بچربايه
وموسم ربيع البراري والوسم خير
تلگى الافطر والچما مليانه الولايه
وأَلبا الغنم من تلد يسوى الف كيري
وزبد الربيع الضحى وبلفه خبزايه
چانت بساطه گبل والناس متساوين
عيشة فقير وغني ماتفرق بهايه
عشنا بهذاك الوكت حلوه بساطتنا
وما چان عدنا گبل اي قدره شرايه
واهدومنا بالبقچ مضمومه بالكندور
ونحمي نفسنا من البرد من نلبس اهوايه
ذيچ الايام المضن ماظن يعودن يوم
ولو عاد بينا الدهر كل ربعي شكايه
꧁꧁꧁꧁꧁꧂꧂꧂꧂
صور مرفقة
أخبار متعلقة
مشاركة الخبر
التعليق بالفيس بوك
التعليقات