16 يناير 2024

العمر محتار .... عبدالاميرالديراوي نشر منذ 11 شهر - عدد المشاهدات : 247

العمر محتار بين

 يرد على اليحجون

وبين يغافل السكته

ويظل عطشان

محتار وزمن مبيوك

جني معاشر الخرسان

سديت الحجي من سنين

واذكر جان عندي إلسان

بس تدري الوكت دوار

نسيت الدرب والعنوان

تسمع بس ونين وآه

وحته اسمك نسوه يفلان

ردت واحد يكلي اشبيك

شو كلهم صفو عدوان

هي الحيرة مو بس بيك

بالناس التعيش وياك

غربل تلكه بس إدنان

اظل محتار وازرع

بالدروب

معاتب وخجلان

ليش الوادم تعاديك

ومن تحجي الصدك

 خسران

بويه وياك إخذني وياك

تسمعني من أظل أنخاك

محلت والكلب حزنان

 إخذني ولا تكلهم وين

ذبني بآخر البلدان

جنت أتأمل بدنياي

أصبح وأمسي بس فرحان

وأتأمل جنت بالناس

كلها أتصير إلي خوان

ياوسفه الزمن غدار

 أصبر والعمر خلصان

يسره الدنيه ويه الغير

وانه طول الدهر تعبان.