خلف  زلمه  بسيط على گد حاله  عايش بوحده من مناطق الجنوب  ماعده لاحال ولامال  بس يگولون عنده سيف ورثه من ابوه  ومستعز بيه كلش

خليف معلك السيف  بالصريفة  وچان بالبداية  يهتم بيه ويطلعه يحده ويدهنه  بلية الغنم  حتى لايزنجر  ويرجع يعلگه بالحايط  لحد مامرت سنين  وخلف مامنزل سيفه  وكل ماتصير مشكلة لو طلابه  بالعشيرة يصيحون  عليه

خايب خليف هلاا  جيب سيفك وتعال 

يگلهم

لاء هذا ضامه للچبيرة

 هدت عليهم عشيرة وصارت العركة بيها دمايه ومجاريح  وخلف يصيح  السيف ضامه للچبيرة

 زوج بنته لغير ديرة  وبالطريق  طلعولهم السلابة  وخذو حلالهم  ووصل الخبر لخليف  كلهم  لاء خلو السيف  انه ضامه للكلفة ..

والسيف معلك بالصريفه الي يشوفه يحوفه

لحد ماصارت طلابة  چبيرة  ووصلت  العركة  لباب خليف  ولمن ركض  يجيب سيفه  طلعه من گرابه والناس حاطه املها بسييف خلف  لگاه  مزنجر ومثلم  لايفيد يطبر ولايكتل

ومشت هاي السالفة مثل  على  الي تشوفه كشخة بس هو كل خير مابيه  يگولون عليه مثل

(سويف خلف ) يلمع بس مايطبر