دايني فرح بلكي الحزن انساه
يالعايش افراح او دوم متهني
احسبني يتيم اوجاي يوم العيد
ونه ابعازة الفرحة من زغر سني
دفك جيس المحبة ونطي للمعتاز
اجيتك ماد ايد ابگلب متعني
اروح المن بعد عيناك يابو الشوگ
ونته اول الناس بشوگي تفهمني
اغنيلك غنه المجروح تالي الليل
ونته ابفرگتي مرتاح وتغني
دوهني هواك او حيرتني سنين
واكتم مااگل للناس دوهني
خاويت الحزن لجلك گلتلي ايهون
او على مودك اطب للنار متعني
تچويني ابجمرهه وانه اگول افيش
ونته امصدگ ابنارك تچملني
وتسالني اعله حالي ولك يابطران
تدري ابحالتي معقولة تسألني
سكته وياك خلهه او لاتهيض اجروح
اجروحك سكتتهن ليش تلچمني
عاشرت الصبر وتجرع الكاسات
او ركضت اوياك ياما او خيبت ظني
رسيني اعله حاله او گلي شنهي الراي
لو ترجع حبيبي لو تودعني. .
التعليقات