طبعا اليوم الصبح رحت للناصريه بشغلة ، گلت خل أوكف شوية على كورنيش الناصرية والجسر الجديد أطكطك صور للنوارس ..

وگفت وچان يجيني رجال شايب گلي : عمي بلا زحمة عليك ماتطگلي صورة ويه النوارس بموبايلك وتنقلها لموبايلي بهذا الواحد الإسمة توث مادري بلوث ..

گتله : تدلل حجي تأمر أمر ، عاد وگف واني طگيتله صورة ..

وراها گتلة : حجي أنطيني موبايلك خل أدزلكياها بالتوث ، أشو الحجي طلع موبايلة من جيبه وطلع جهازة صرصور !!

اني ضحكت وگتله : حجي هذا موبايلك ميصير بيه صور ، ولابيه توث ..

گال : عمي دحاول بيه شوية ولا تتعاجز ..

گتله : حجي والله ممتعاجز بس موبايلك قديم وميصير بيه صور ..

أشو الحجي زعل ، ورأسا جر موبايله من ايدي ، وهز ايده وگال : عمي دگول اني خبيث وماأريد أسويها بعد شنو هل حچي .

أكو ناس قافلين فد مره ، تگله يابه هذا ثور يگلك أحلبه !!

عيشتيش حياتيش

حسن الهلالي إلى أين