اعذرني إطباع نفسي
إن چنت أخالف
وماوفيت ومااجيت
وآنه أشوف الحسبة طالت
مرمرة وصارت سوالف  ..
إعذرني لأهلي ماحچيت
قفـّلت عالموضوع ..
من ساعة فقدتك
وصبًرت عالبّيه نفسي
الماجرى تحملت مبتلية ورضيت
وعودت نفسي شلون انسي  ..
بفضل من الله ونسيت  
مالي طاقة انوّرث الدنيامصايب
وروح للگلبين من چنـّا حبايب
وهسه غرّب كل امل باقيلي بيك..
ولالي باقي الحيل حتى أوگف وأعاتب
ولاهي نار وتنطفي ..
ولاهي غمة وتنجلي
ولالي صبر شما اميل الگه الحبايب
ابعاد خلنا وفدوى خل أتباهى بيك..؟!
ردت حب وآنه ردتك
وعشنا مثل التايهين غربة..
ولا احنا صدگان وگرايب
بحقل عرنوص انتباغك
انت تسمع وانه اسمع
ولاشفتني ولانا شفتك
وصلنا حدنا بلا طلابة ولاطلايب
فأعفو عني ..؟!
لو خالفت نفسي وبقيت..؟!
تحرّجت ما ادري منك ..
والا من نفسي استحيت