6 مارس 2025

آخر رسائلي إليك…! صباح عطوان الزيدي نشر منذ 6 ساعة - عدد المشاهدات : 10

محولل وموهوب والذمة بريتك

من كسرة جناحي..ليوم إجيتك

 من بيت الهجرته.. لباب بيتك

بلحظة ماخلينانقطةاعلاالحروف

ضيعت،مابعت نفسي وإشتريتك

لعبة چانت للقدرلو هي الظروف ؟!

وانت ما اتوانيت ابد ..ماقصرت

وادري وفيت وكفيت ..وقدرت

إلك كلمة ريتني مثلك وفيتك؟!

مايكفيني من اشكرك عالرجيتك

تاج راسي وانه متشكرة لجميلك

فإنسي ليه اي وعد ساعة وعدت

وگول فلته و زلة بلسانك گلت

تبقى وحدك وفي بالعودة وامين

بيا أخلاق تريدني انكر العشرة..؟

وليش أسلبك زهوة احلام السنين؟

وانت حل من اي وعد لحظة نطيته

ومن كلام إمترس إمباوس حچيته

لو قسم بكل حرف يوم وعدت

خلص وانسى ماعليك انه شگلت

بس هلاهل فرزتني بليلةًخميس

صدگ فزيت بغرابة

مندهش عقلي وحچيت

وأنه اعرفك سما وشاطي

گلبك ابيض ابد سر ما قد خفيت

المهم مبروك بيها..

وكلشي حق ياخذ ثوابه

وفرحت من گالوا خطبت ونيشنت

وهالرسالة بكل وضوح تفهمت

مالي حق غير افرح لحق راجع اليك

ولو ثغبت بگلب جرحه نزف بيك

لااتدوخ امهنا بيها

من الكلب دعواتي ليك

بس وعد لا توعدها بيك؟!

لا تغثها وتنتظر باچر تجيك؟!

موغريبه ياحبيبي العالم يبدل الهدمة

واحنه عتاگة هدوم

وآنه آعرف هدمتي بادت عليك