2 يوليو 2020

ابو فدك .. ذب فلك ... إياد الإمارة /البصرة نشر منذ Jul 02 20 am31 07:36 AM - عدد المشاهدات : 519

▪ عفية الخال رديت "الوطن" للوطن، وكان فجر إنتصار جديد حققته أنت وأشبالك، والإنتصارات على الجرار..

ثقافتك إنتصار، نعم ابو فدك أنت وكل الحشد ثقافتكم انتصار وهكذا يتثقف الشجعان.

أرادوها رسالة "صوغة" فلقنتهم الدرس وأبطلت سحرهم الذي أنقلب عليهم بسرعة لم تكن في حساباتهم جميعاً، تحية لك ولأبطالك الذين أبطلوا السحر..

لماذا أُعتقل صناديد الحشد؟

شني يامكافحة الإرهاب؟

ذولة شباب النصر شباب الحشد .. مو هم إليّ حرگوا دوائر الدولة، ولا منعوا الطلاب من الدراسة، ولا علگوا جثة شاب بساحة "النكبة"، چا شسودنكم عليهم؟

لو تيهتوا؟

جنتوا رايحين لغير مكان وغلطتوا بالعنوان؟

هي حچاية وحدة وبس: أمريكا ما تنفعكم لأن أمريكا أم المخانيث مو أم الزلم.

دولة رئيس الوزراء "الحقوقي" مصطفى الكاظمي - طبعا كلش يعجبني أگلك الحقوقي-  مو صحيح وعيونك مو صحيح ولا راح تگدر، ومو كل جوز مدعبل، ولخاطر عماد الغالي لا يدفعون بيك ويورطونك ويصيحونك ويخلونك لوحدك، وما عدهم مانع يندارون عليك ويحملونك المسؤولية وأنا سبق وگتلك ما عندك ظهر فما تطلع من چرخها، وأنت بكيفك وانا أمشي عليك عماد أبو بخت الچبير.

أهل السياسة..

شلونكم؟

جمعة مباركة، وشلون جمعة؟

دريتوا، لا، شصار وي الحشد؟

ولو الخال ابو فدك سد غيبتكم وما قصر المحداوي ابو الغيرة، بس هم شوية يرادلكم موقف، حتى لو تحنحن، تحنحنوا يرحمكم الله، ذولة الحشد ذولة أهل الشهداء، ذولة أهل الوطن إليّ چا ضيعتوه لو ما أهم يوگفون وگفة "وطن"..

يلا هسة الفات مات وشوفونه وگفتكم لأن الشغلة تريد وگفة زلم مثل وگفة ابو فدك.

الناس "أهل الحشد" السلام عليكم جميعاً هسة كورونا وحظر تجوال صحيح، بس لازم كل واحد من عدنة يوگف بطريقته، يشكر حارس البيت "الوطن" ابو فدك، ويعاتب ولدنا إليّ غلطوا بالعنوان وبعدين تراجعوا واعتذروا وحسوا بغلطهم.

گولوا يا الله بعدنا سالمين عدنا الحشد.