31
اكتوبر
2020
حياة.. تائهة..... الشاعر والاعلامي عبدالامير الديراوي / البصرة
نشر منذ 9 شهر - عدد المشاهدات : 283

كافي تحزن ياگلب

تحزن عليش

هي حته الگمرة

راحت تشتكي

من افعالنه

احنه مو احنه

صفينه

كل سوالفنه جذب

حته لو نقسم نروح

بلا درب

وبسجاجين المحب

نذبح هوانه

ومدري ليش اشجالنه

ما ندري ليش

وسفة نمشي دروبنه

وما ندري ليش

احنه غلطانين نسبح

بالنهر

ما نلگه گيش

غيرتنه الدنية عشنه

بلا نهار

گلنه نخلص من

تجي أفواج التتار

لجن شفنه الدنية

احسن

حته بايام التتار

جانت الدنيا حدائق

للكبار وللزغار

هسه احنه بلا هوية

بس صدك،

نكتب اشعار

والحزن يملي القوافي

ما نحب جاذب هوانه

بس نرائي ولشوكت

نبگه حجايانه تطول

ننتظر تمشي الفصول

وترجع سنين الگحط

تملي الحقول

ما يجي يوسف

يفسرلنه الحلم ؟

يمته نفرح يمته

نلبس ثوب،

من كدنه الحلال

يمته نگدر نحجي

لو نكتب مقال

لو يظل هذا الحلم

شبه المحال

وانت ياكلبي تظل

وحدك غريب

لا تحيرني، ولا تسأل

سؤال،

لجن حقك ليش

تسأل

وانت تدري

ابد ماتلكه اليجاوب

عالسؤال؟

 

 


صور مرفقة






أخبار متعلقة
مشاركة الخبر
تابعنا على الفيس بوك
تابعنا على الفيس بوك
استطلاع رأى

عدد الأصوات : 0

أخبار